Monday, September 25, 2023
الرئيسيةDelhiمنوج تیواری ایم پی کا کٹا چالان ،کئ ٹریفک قوانین توڑے...

منوج تیواری ایم پی کا کٹا چالان ،کئ ٹریفک قوانین توڑے تھے

نی دہلی (قومی آغاز نیوز)
دہلی ٹریفک پولیس نے بی جے پی ایم پی منوج تیواری کا 41 ہزار روپے کا بڑا چالان کاٹا ہے۔ منوج تیواری پر بی جے پی کی ترنگا ریلی کے دوران ٹریفک قوانین کی خلاف ورزی کا الزام ہے۔ بدھ کو بی جے پی نے دہلی کے لال قلعہ سے ترنگا بائیک ریلی نکالی۔ اس دوران منوج تیواری بغیر ہیلمٹ کے بائک چلا رہے تھے۔
اس کے پیش نظر جب دہلی پولیس نے جانچ کی تو بی جے پی رکن پارلیمنٹ کے پاس لائسنس اور آلودگی کارڈ نہیں ملا۔ یہی نہیں منوج تیواری جس بائک کو چلا رہے تھے اس پر نمبر پلیٹ بھی نہیں تھی۔ اس پر ٹریفک پولیس نے اس کا چالان کاٹ دیا۔ بی جے پی کے رکن پارلیمنٹ منوج تیواری نے چالان کاٹنے کے بعد ٹوئٹ کرکے ٹریفک قوانین کی خلاف ورزی پر افسوس کا اظہار کیا ۔
انہوں نے لکھا کہ میں ہیلمٹ نہ پہننے پر معافی مانگنا چاہتا ہوں اور آج چالان بھروں گا۔ اس کے ساتھ انہوں نے عوام سے درخواست کی کہ وہ ایسی غلطی نہ کریں۔دہلی ٹریفک پولیس نے ہیلمٹ نہ پہننے پر منوج تیواری کے خلاف کارروائی کرتے ہوئے، آلودگی کا سرٹیفکیٹ نہ ہونے پر 10,000 روپے، نمبر پلیٹ نہ ہونے پر 5000 روپے، نمبر پلیٹ نہ ہونے پر 5000 روپے اور بائک مالک کی خلاف ورزی پر 5000 روپے کا جرمانہ عائد کیا ہے۔

اس کے لیے 20 ہزار روپے لگائے گئے ہیں۔ اس طرح منوج تیواری کے خلاف کل 41 ہزار روپے کا چالان کاٹا گیا ہے۔ ایک سینئر اہلکار نے بتایا کہ رکن پارلیمنٹ کے پاس ہیلمٹ، ڈرائیونگ لائسنس، آلودگی کا سرٹیفکیٹ اور گاڑی کی رجسٹریشن نہیں تھی، جس پر ان کا چالان کاٹا گیا اور گاڑی کے مالک کا چالان الگ سے کاٹا گیا ۔

RELATED ARTICLES

ترك الرد

من فضلك ادخل تعليقك
من فضلك ادخل اسمك هنا

Most Popular

Recent Comments