گجرات :موربی کا جھولتا پل ٹوٹا ، 60 سے زائد افراد کی موت News National October 30, 2022callafzanLeave a Comment on گجرات :موربی کا جھولتا پل ٹوٹا ، 60 سے زائد افراد کی موت احمد آباد، 30 اکتوبر۔ سوراشٹرا کے موربی قصبے میں ماچھو ندی پر جھولتا ہوا پل اتوار کی شام اچانک گر گیا۔ پل گرنے سے لوگوں کی بڑی تعداد ماچھو ندی میں گر گئی۔ پل گرنے کی خبر سے چاروں طرف ہلچل مچ گئی۔ واقعے کی اطلاع ملتے ہی انتظامیہ سمیت ایمبولینس اور فائر بریگیڈ نے موقع پر پہنچ کر راحت اور بچاو¿ کا کام شروع کیا۔ ابتدائی معلومات کے مطابق پل سے دریا میں گرنے والوں کی تعداد چار سو سے زائد بتائی جاتی ہے اورساٹھ لوگوں کے ڈوبنے کا اندیشہ ہے۔ موربی کا دنیا کا مشہور جھولتا پل منی مندر کے قریب دریائے ماچھو پر بنایا گیا ہے۔ دیوالی کے بعد، اسے گجرات کے نئے سال کے دن تقریباً چھ ماہ کی تزئین و آرائش کے بعد کھولا گیا۔ اس پر تقریباً دو کروڑ روپے خرچ ہوئے۔ اتوار کو اس پل پر پانچ سو سے زائد افراد موجود تھے کہ اچانک پل ٹوٹ گیا اور پل پر موجود چار سو سے زائد افراد دریا میں گر گئے۔ ان میں سے کئی لوگوں کو پل کی مدد سے باہر نکلنے کی کوشش کرتے دیکھا گیا۔ انتظامیہ ابھی تک کچھ بتانے سے قاصر ہے۔ واقعے کی مکمل تفصیلات کا انتظار ہے۔ بتایا گیا کہ پل کی دیکھ بھال کی ذمہ داری یوا ٹرسٹ کی ہے۔ موربی کا یہ جھولتا پل انگریز دور کا ہے اور تقریباً 140 سال پرانا ہے۔ اس کی لمبائی تقریباً 765 فٹ ہے۔
