Friday, March 29, 2024
الرئيسيةNewsدگوجے سنگھ لڑیں گے کانگریس صدر کا الیکشن

دگوجے سنگھ لڑیں گے کانگریس صدر کا الیکشن

بھوپال، 29 ستمبر

۔ مدھیہ پردیش کے سابق وزیر اعلیٰ اور پارٹی کے سینئر لیڈر دگ وجے سنگھ جمعہ کو کانگریس کے قومی صدر کے عہدے کے لیے اپنا پرچہ نامزدگی داخل کریں گے۔

مدھیہ پردیش کے 10 ایم ایل اے نامزدگی داخل کرتے وقت ان کے تجویز کنندہ بنیں گے۔ جو جمعرات کو دہلی کے لیے روانہ ہو رہے ہیں۔ ریاستی کانگریس کے صدر کمل ناتھ نے یہ ذمہ داری اسمبلی میں اپوزیشن لیڈر ڈاکٹر گووند سنگھ کو سونپی ہے۔ ڈاکٹر گووند سنگھ نے متعلقہ ایم ایل اے سے فون پر دہلی پہنچنے کو کہا ہے۔

ذرائع کے مطابق دگ وجے سنگھ جمعرات کی صبح راہل گاندھی کی بھارت جوڑو یاترا سے سیدھے دہلی پہنچے۔ بتایا جا رہا ہے کہ انہوں نے پارٹی کے قومی صدر کے عہدے کے لیے نامزدگی فارم لیا ہے۔ وہ جمعہ کو اپنا نا پرچہ مزدگی داخل کریں گے۔

ایم پی اسمبلی میں اپوزیشن لیڈر اور پارٹی کے سینئر ایم ایل اے ڈاکٹر گووند سنگھ نے بتایا کہ ریاستی کانگریس صدر نے انہیں ایم ایل اے کے ساتھ دہلی پہنچنے کی ہدایت دی ہے۔ یہ ایم ایل اے ریاستی کانگریس کے نمائندے ہیں۔ اس کے علاوہ کچھ دیگر نمائندے بھی دہلی پہنچیں گے۔ ممبران اسمبلی سے سے بات چیت ہورہی ہے۔ کچھ ایم ایل اے شام تک دہلی پہنچ جائیں گے۔

انہوں نے دگ وجے سنگھ کے ذریعہ صدر کے عہدے کے لیے پرچہ نامزدگی جمع کرنے کولیکر کہا کہ ہمارے پاس ابھی تک اس بارے میں کوئی سرکاری معلومات نہیں ہے، لیکن اگر وہ صدر بنتے ہیں تو یہ ایک اچھا فیصلہ ہوگا۔ وہ تنظیم میں مختلف عہدوں پر فائز رہے ہیں۔ انہوں نے کہا کہ ڈگ وجے سنگھ 10 سال تک مدھیہ پردیش کے وزیر اعلیٰ رہے ہیں۔ ان کے تجربے کا فائدہ پارٹی کو ملے گا۔

ڈاکٹر گووند سنگھ نے بتایا کہ ابھی تک جیتو پٹواری، حنا کانورے، رام لال مالویہ، عارف مسعود، سچن یادو اور پی سی شرما سے بات چیت ہوئی ہے اور یہ تمام لوگ جمعرات کی دیر رات دہلی پہنچ رہے ہیں۔ اس کے علاوہ دیگر ایم ایل اے سے بھی دہلی جانے کے لیے بات چیت کی جارہی ہے۔

RELATED ARTICLES

ترك الرد

من فضلك ادخل تعليقك
من فضلك ادخل اسمك هنا

Most Popular

Recent Comments