بماکو (مالی)، 14 اکتوبر
۔ مالی میں ایک بس میں دھماکے کے نتیجے میں کم از کم 11 افراد ہلاک اور 53 زخمی ہو گئے ہیں۔ یہ دھماکہ جمعرات کو وسطی مالی میں ایک مسافر بس میں ہوا۔ دعویٰ کیا گیا ہے کہ بس دھماکہ خیز آلہ سے ٹکرا گئی۔
مالی کے سیکورٹی حکام کے مطابق دھماکہ جمعرات کی دو پہر موپتی کے علاقے میں بندیاگارا اور گونڈکا کے درمیان سڑک پر ہوا۔ یہ علاقہ جہادی تشدد کا گڑھ ہے۔ دھماکے میں ہلاک ہونے والے تمام افراد عام شہری ہیں۔
قابل ذکر ہے کہ مالی ایک دہائی سے زائد عرصے سے مسلح باغی گروپوں کی سرگرمیوں کو روکنے کے لیے جدوجہد کررہا ہے۔ مالی میں جہادی باغی اب تک ہزاروں افراد کو ہلاک کر چکے ہیں۔ اس کے علاوہ ہزاروں شہریوں کو ان کے گھروں سے بے دخل کر دیا گیا ہے۔
