مودی نے رشی سنک سے بات کر وزیر اعظم بننے پر مبارکباد دی

وزیر اعظم نریندر مودی نے جمعرات کو نو منتخب برطانوی وزیر اعظم رشی سنک سے ٹیلی فون پر بات کی اور انہیں عہدہ سنبھالنے پر نیک خواہشات کا اظہار کیا۔وزیر اعظم نریندر مودی نے ٹویٹ کرکے یہ جانکاری دی۔ انہوں نے بتایا کہ آج رشی سنک سے بات کرکے خوشی ہوئی۔ انہیں برطانیہ کے وزیر اعظم کا عہدہ سنبھالنے پر مبارکباد۔ ہم اپنی جامع اسٹریٹجک شراکت داری کو مزید مضبوط بنانے کے لیے مل کر کام کریں گے۔ ہم نے ایک جامع اور متوازن آزاد تجارتی معاہدے (ایف ٹی اے) کے جلد از جلد اختتام کی اہمیت پر بھی اتفاق کیا۔

ادھر برطانوی وزیر خارجہ جیمز کلیورلے ہندوستان کے دورے پر ہیں۔ وہ وزیر خارجہ ڈاکٹر ایس جے شنکر سے ملاقات کریں گے اور سفارتی تعلقات کو مضبوط بنانے پر تبادلہ خیال کریں گے۔ وہ جمعہ کو ممبئی پہنچیں گے اور ہفتہ کو دہلی جائیں گے۔قابل ذکر ہے کہ حال ہی میں ہندوستانی نژاد رشی سنک نے برطانیہ کے وزیر اعظم کا عہدہ سنبھالا ہے۔ وہ ایشیائی نژاد پہلے برطانوی وزیر اعظم ہیں۔