Thursday, April 25, 2024
الرئيسيةUncategorizedہندی کو سرکاری زبان کے طور پر فروغ دیا جائے: امت شاہ

ہندی کو سرکاری زبان کے طور پر فروغ دیا جائے: امت شاہ

سورت/ احمد آباد، 14 ستمبر

مرکزی وزیر داخلہ اور کو آپریٹیو امت شاہ نے کہا کہ پرائمری تعلیم کو مادری زبان کے طور پر دستیاب کرانے کی پالیسی کو وزیر اعظم کی قیادت میں نئی قومی تعلیمی پالیسی میں لاگو کیا گیا ہے۔ میڈیکل، سائنس، ٹیکنالوجی، انجینئرنگ کے کورسز بھی مادری زبان میں کرانے کا ہدف رکھا گیا ہے۔ اس تعلیمی پالیسی سے ہندوستان مستقبل میں زبانوں کے میدان میں خود انحصار بن جائے گا۔شاہ یہاں سورت میں ‘ہندی دیوس’ اور ‘دوسری آل انڈیا سرکاری زبان کانفرنس’ کے موقع پر منعقد ایک تقریب سے خطاب کر رہے تھے۔ کانفرنس میں وزیر اعلیٰ بھوپیندر پٹیل بھی موجود تھے۔ اس موقع پر اظہار خیال کرتے ہوئے مرکزی وزیر داخلہ شاہ نے کہا کہ ویر نرماد ملک کے پہلے شخص تھے جنہوں نے سورت کی مقدس سرزمین سے زبانوں کی اہمیت کو اجاگر کیا۔ انہوں نے انگریزوں پر زور دیا کہ وہ ملک کے معاملات ہندی میں چلائیں۔ سورت جوش اور خواہشات کو ثابت کرنے کی سرزمین ہے۔

بچوں کو مادری زبان اور دفتری زبان میں تعلیم دینے کی وکالت کرتے ہوئے وزیر داخلہ نے کہا کہ آزادی کے امرت مہوتسو کے موقع پر آئیے ہم سب مل کر یہ عہد کریں کہ ہم اپنی مادری زبان کے ذریعے اگلے 25 سالوں میں ملک کو بلندیوں پر لے جائیں گے۔ ہندوستان کی زبانیں دنیا کی مالا مال زبانیں ہیں۔ ہندی عوام کی سرکاری زبان ہے اور اسے فروغ دینا ہوگا۔ انہوں نے کہا کہ وزیراعظم کی قیادت میں بنائی گئی نئی قومی تعلیمی پالیسی میں پرائمری تعلیم مادری زبان میں فراہم کرنے کی پالیسی بنائی گئی ہے۔ مادری زبان میں میڈیکل، سائنس، ٹیکنالوجی، انجینئرنگ کورسز کرانے کے ہدف پر کام جاری ہے۔ اس پالیسی سے ہندوستان مستقبل میں زبانوں کے میدان میں خود انحصار بن جائے گا۔ہماری ثقافت، تاریخ اور کئی نسلوں کے ادبی کاموں کو سمجھنے کے لیے سرکاری زبان کا جاننا ضروری ہے۔ انہوں نے ملک کے نوجوانوں سے درخواست کی کہ وہ اپنی مادری زبان اور سرکاری زبان کو قبول کریں اور اپنی مادری زبان کو گھر میں رابطے کی زبان کے طور پر اپنائیں۔

ہندی زبان کو تمام ہندوستانی زبانوں کی دوست قرار دیتے ہوئے وزیر داخلہ نے کہا کہ ہندی زبان کی افزودگی سے تمام زبانیں ترقی کریں گی۔ ہندی کو مقبول بنانا ضروری ہے۔ انہوں نے ہر زبان کو زندہ اور خوشحال بنانے کا ہدف مقرر کرنے کی اپیل کی۔اس موقع پر وزیر اعلیٰ بھوپیندر پٹیل نے بھی خطاب کیا۔ انہوں نے کہا کہ ہماری زبانیں مختلف ہو سکتی ہیں لیکن سرکاری زبان یک ہے اور وہ ہندی ہے ۔

اس کانفرنس میں مرکزی وزیر مملکت برائے داخلہ اجے کمار مشرا نے سرکاری زبان کی اہمیت کو بیان کیا اور کہا کہ سرکاری زبان ایک ایسی زبان ہے جو علم، ثقافت اور روایت کو پروان چڑھاتی ہے۔ 

RELATED ARTICLES

ترك الرد

من فضلك ادخل تعليقك
من فضلك ادخل اسمك هنا

Most Popular

Recent Comments