Saturday, March 2, 2024
الرئيسيةUncategorizedہندوستان کا جاپان کے ساتھ دو طرفہ شراکت داری پر تبادلہ خیال

ہندوستان کا جاپان کے ساتھ دو طرفہ شراکت داری پر تبادلہ خیال

ٹوکیو،9 ستمبر

ہندوستان کے وزیر خارجہ ایس جے شنکر اور ہندوستان کے وزیر دفاع راج ناتھ سنگھ نے جمعہ کو جاپان کے وزیر اعظم فومیو کشیدا سے ملاقات کی۔ اس دوران، دونوں رہنماؤں نے خطے میں امن اور استحکام کو یقینی بنانے کے لیے ہندوستان-جاپان کی پالیسیوں اور مفادات کے قریبی تال میل کی اہمیت پر زور دیا۔ قبل ازیں جمعرات کو سنگھ اور جے شنکر نے اپنے جاپانی ہم منصبوں کے وزیر خارجہ حیاشی یوشیماسا اور وزیر دفاع حمدا یاسوکازو کے ساتھ بات چیت میں حصہ لیا۔

جے شنکر نے ٹویٹ کیا کہ ہماری 22 میٹنگ کے اختتام پر وزیر اعظم فومیو کشیدا سے مل کر خوشی ہوئی۔ اس وقت ہندوستان اور جاپان کی پالیسیوں اور مفادات کے درمیان قریبی تال میل کی اہمیت پر زور دیا۔ انہوں نے یقین ظاہر کیا کہ جس وژن کو انہوں نے اور وزیر اعظم نریندر مودی نے بیان کیا ہے اسے جلد ہی شرمندہ تعبیر کیا جائے گا۔

اپنے ٹویٹ میں راج ناتھ سنگھ نے کہا کہ ہندوستان اور جاپان کی شراکت داری خطے میں امن اور استحکام کو یقینی بنانے میں فیصلہ کن کردار ادا کرے گی۔ سنگھ نے میٹنگ کے دوران سابق وزیر اعظم شنزو آبے کے افسوسناک انتقال پر دلی تعزیت کا اظہار بھی کیا۔آبے کی 8 جولائی کو ایک سیاسی مہم کے دوران گولی لگنے سے موت ہوگئی تھی۔

دوسرے 22 مذاکرات کے دوران، ہندوستان اور جاپان نے جمعرات کو فضائیہ کی پہلی جنگی مشق کا انعقاد سمیت اپنے سیکورٹی اور دفاعی تعاون کو مزید بڑھانے پر اتفاق کیا۔ انہوں نے قوانین پر مبنی عالمی نظام کے لیے اپنے عزم کا بھی اعادہ کیا جو ملکوں کی خودمختاری اور علاقائی سالمیت کا احترام کرتا ہے۔

بھارت نے جارحانہ چین کو روکنے کے لئے واضح کوششوں میں کاؤنٹر اسٹرائیک صلاحیتوں سمیت اپنے دفاعی قوتوں کو وسعت دینے اور جدید بنانے کی جاپان کے منصوبوں کو بھی اپنی حمایت دی۔ کسی بھی ملک کا نام لئے بغیر بیان میں کہا گیا ہے کہ جاپان نے مبینہ ’’کاؤنٹر اسٹرائیک‘‘ صلاحیتوں سمیت قومی سلامتی کے لئے ضروری تمام متبادلوں کی جانچ کرنے کا عزم بھی ظاہر کیا۔

RELATED ARTICLES

ترك الرد

من فضلك ادخل تعليقك
من فضلك ادخل اسمك هنا

Most Popular

Recent Comments