وڈودرہ: کنٹینر نے رکشہ سواروں کو کچلا ، 10 ہلاک

شہر کے درجی پورہ ایئرفورس کے قریب ایک خوفناک سڑک حادثے میں 10 لوگوں کی موت ہو گئی۔ غلط سمت سے آنے والا کنٹینر مسافروں سے بھرے رکشے کو ٹکر مارنے کے بعد ائیر فورس کمپلیکس کی دیوار کو توڑ کر اندر گھس گیا ۔ کنٹینر میں دبے لوگوں کو ایئر فورس کے اہلکاروں نے بڑی محنت سے باہر نکالا۔ زخمیوں کو وڈودرا کے سایاجی اسپتال میں داخل کرایا گیا ہے۔منگل کو نیشنل ہائی وے 48 پر شہر کے درجی پورہ ایئرفورس کے قریب سورت سے احمد آباد جا رہا ایک کنٹینر بے قابو ہو کر چھ پہیوں والے رکشے سے ٹکرا گیا۔ ٹکرانے کے بعد ٹریلر ایئر فورس کمپاو¿نڈ کی دیوار کو توڑ کر اندر گھس گیا۔ عینی شاہدین کے مطابق حادثے میں رکشہ میں سوار مسافر کنٹینر کے نیچے بری طرح دب گئے۔ فضائیہ کے اہلکاروں نے فوری طور پر ریسکیو آپریشن شروع کر دیا۔ ایئر فورس کے اہلکاروں نے بڑی محنت سے رکشہ میں پھنسے زخمیوں کو باہر نکالا۔ فوجیوں نے کنٹینر کاٹ کر لاشیں نکالیں۔ اس حادثے میں رکشہ میں سوار دو بچوں سمیت 10 افراد کی موت ہو گئی ہے۔ اس واقعے میں دیگر سات زخمیوں کو وڈودرا کے سیاجی اسپتال میں داخل کرایا گیا ہے۔

واقعہ کے بعد لوگوں کی بڑی بھیڑ جمع ہو گئی۔ واقعہ کی اطلاع ملتے ہی فائر بریگیڈ اور پولیس اور دیگر انتظامی اہلکار موقع پر پہنچ گئے۔ حادثے کے بعد لوگوں کی بڑی تعداد وہاں جمع ہو گئی اور ہائی وے کو بلاک کر دیا گیا۔ ذرائع کے مطابق رکشہ سوار پنچ محل ضلع کے ہلول میں واقع شکتی پیٹھ پاوا گڑھ جانے کے لیے گئے تھے۔ درشن کے بعد یہ لوگ شہر کے گولڈن اسکوائر سے رکشے پر گھر کی طرف جارہے تھے۔ ضلع کلکٹر اے پی گور نے بتایا کہ زخمیوں کی حالت مستحکم ہے جنہیں اسپتال لے جایا گیا ہے۔ہندوستھان سماچارمحمدخان