دہلی میں آلودگی خطرناک سطح پر,تعمیرات پر پابندی

نئی دہلی، 29 اکتوبر  ۔
دہلی میں آلودگی کی سطح تشویشناک حالت میں پہنچ گئی ہے۔ ہفتہ کو دہلی این سی آر کااے کیو آئی لیول یعنی فضائی آلودگی کی سطح 400-450 کے درمیان ریکارڈ کی گئی۔ صورتحال کی سنگینی کے پیش نظر، ایئر کوالٹی مینجمنٹ کمیشن (اے سی کیو ایم) نے ایک ہنگامی میٹنگ کی۔ میٹنگ میں کمیشن نے گریڈڈ رسپانس ایکشن پلان 3 کو لاگو کرنے کی ہدایات جاری کی ہیں، جس کے تحت دہلی میں تعمیرات اور انہدام کے کاموں پر اگلے احکامات تک پابندی لگا دی گئی ہے۔
کمیشن (سی اے کیو ایم) نے ہفتہ سے نیشنل کیپٹل ریجن (این سی آر) میں ‘ریلوے خدمات یا ریلوے اسٹیشنوں، میٹرو ریل کارپوریشن کی خدمات، اسٹیشنوں، ہوائی اڈوں اور بین ریاستی مقامات پر ‘سی اینڈ ڈی’ ویسٹ مینجمنٹ قوانین اور دھول کنٹرول کے اصولوں کی سختی سے تعمیل کی ہے۔ قومی سلامتی یا دفاع سے متعلق سرگرمیاں بشمول بس ٹرمینلز (ISBTS)، ‘قومی اہمیت کے منصوبوں’ کے علاوہ تمام تعمیرات اور مسماری سے متعلق سرگرمیاں اس کے ساتھ ان صنعتی یونٹس کو بھی بند کرنے کی ہدایات دی گئی ہیں جو ماحولیاتی معیار پر پورا نہیں اترتے یا وائیو فیول استعمال نہیں کر رہے۔ سڑکوں کی صفائی کے لیے مشینوں کے استعمال کی حوصلہ افزائی کرنے کے لیے کہا گیا ہے۔ سڑکوں پر پانی کے چھڑکاو¿ کے ساتھ پبلک ٹرانسپورٹ کو فروغ دینے کی ہدایات دی گئی ہیں۔ معیار کے مطابق نہ ہونے والے کرشر اور اینٹوں کے بھٹوں کو بند کرنے کے احکامات جاری کر دئیے گئے ہیں۔ کان کنی پر بھی پابندی لگا دی گئی ہے۔
کمیشن کے مطابق دہلی-این سی آر میں ہوا کا معیار پرالی جلنے کے سبب اگلے ایک ہفتے تک بہت خراب رہنے کا امکان ہے اس لیے این سی آر کی تمام ریاستوں کو تجویز دی گئی ہے کہ وہ بی ایس 3 پٹرول اور بی ایس4 ڈیزل پر چلنے والی چھوٹی گاڑیوں پر بھی پابندی لگائیں۔